Wednesday, June 10, 2009

ചിറകുവിരിഞ്ഞാലത്തെ സാങ്കേതിക പ്രശ്നങ്ങള്‍.....!

.


വട്ടോളിക്കഥകള്‍ - 2


ദീര്‍ഘനാളത്തെ പ്രണയത്തിനു ശേഷം യുവമിഥുനങ്ങള്‍ വിവാഹിതരാവുകയാണ്. ഗുരുവായൂര്‍ അമ്പലത്തില്‍ വച്ചാണ് കല്യാണം. കല്യാണം എന്നു കേട്ടാല്‍ ഗുരുവായൂര്‍ അല്ല കാസര്‍കോട്ടായാലും പോയിരിക്കും ഞങ്ങള്‍ ആയുര്‍വേദ കോളേജ് കുട്ടികള്‍! കോളേജ് ബസ് എന്ന സംഗതി തന്നെ അതിനായുള്ളതാണ്!
വഴി നീളെ പാട്ടും ആഘോഷവും. ഇടയ്ക്ക് വിരുതന്മാര്‍ ചിലര്‍ ചില്ലറ ദാഹശമിനികള്‍ സംഘടിപ്പിക്കുകയും ചെയ്യും.

വട്ടോളി തന്റെ ഗുരു കൂടിയായ “കുഞ്ഞു” വിനോടൊപ്പമാണ്. കുഞ്ഞു എന്നാണ് വിളിപ്പേരെങ്കിലും ആള്‍ എം.ഡി യ്ക്കു പഠിക്കുന്ന അണ്ണനാണ്. സുന്ദരന്‍. സുമുഖന്‍. ദുശീലന്‍!

അണ്ണന് എങ്ങനെയെങ്കിലും ‘രണ്ടെണ്ണം‘ വീശണം.... പട്ടയും മുട്ടയുമാണ് ഇഷ്ട കോംബിനേഷന്‍.....

ഒപ്പം കൂടുന്നതില്‍ വട്ടോളിയ്ക്ക് പ്രത്യയശാസ്ത്രപരമായി പ്രശ്നമൊന്നുമില്ല.

പക്ഷേ ഗുരുവായൂരമ്പലത്തിനു മുന്നില്‍ പട്ടയും മുട്ടയും കിട്ടില്ലല്ലോ!

ഒരു കിക്കില്ലാതെ എന്ത് അര്‍മാദം!?

അപ്പോഴാണ് ‘സയാമീസ് ഇരട്ടകള്‍’ എന്നറിയപ്പെടുന്ന കിഷ് കുവും മക്കുവും (കിഷ് കു = കൃഷ്ണകുമാര്‍, മക്കു = മനോജ് കുമാര്‍) കിഴക്കേ നടയിലുള്ള ഒരു വൈദ്യശാലയെക്കുറിച്ചു പറഞ്ഞത്. അവിടെ ഒരു “മോദകം” കിട്ടുമത്രെ. സംഗതി ഒരെണ്ണം അടിച്ചാല്‍ പിന്നെ “ഫിങ് ഫിങ്” ആയി നടക്കാം! പട്ടയോ കള്ളോ കുടിച്ച സ്മെല്ലും ഉണ്ടാവില്ല!

മദനകാമേശ്വര രസം എന്നാണ് പേര്. കഞ്ചാവോ കറുപ്പോ ഒക്കെ ചേര്‍ത്ത് ഉണ്ടാക്കിയിരുന്ന ഒരു സംഭവമാണിത്.
എം.കെ. എന്നു ചുരുക്കപ്പേര്. സ്ഥിരം കസ്റ്റമര്‍മാര്‍ അങ്ങനെയേ ചോദിക്കൂ.

ഉഗ്രന്‍ ഐഡിയ!

ആ സാര്‍ത്ഥവാഹകസംഘം അമ്പലത്തില്‍ നിന്നു കിഴക്കോട്ട് വച്ചു പിടിച്ചു. ഇടയ്ക്കു വച്ച് രണ്ടായി പിരിഞ്ഞു. ആദ്യം വൈദ്യശാല കണ്ടു പിടിച്ചത് ഇരട്ടകള്‍ ആയിരുന്നു. രണ്ടു പേരും ഓരോ “മോദകം” അടിച്ചു. അവര്‍ തിരിച്ചു വരുമ്പോഴേക്കും കുഞ്ഞുവും വട്ടോളിയും വ്രീളാവിവശകളായി നടന്നു നീങ്ങുന്ന ഒരു പറ്റം കാമിനിമാരുടെ ഇടയില്‍ നിന്നും ഊര്‍ന്നു വരുന്നേയുണ്ടായിരുന്നുള്ളൂ....

“എന്തു ചെയ്യാം.... സുന്ദരന്മാരായിപ്പൊയില്ലേ.... സഹിക്യ.....അല്ലാണ്ടെന്താ ചെയ്യ്യാ....“

പാദുകം ഉയര്‍ത്തി നില്‍ക്കുന്ന ഒരു പെണ്‍കുട്ടിയില്‍ നിന്നും തലനാരിഴയ്ക്കു രക്ഷപ്പെട്ട കുഞ്ഞു പരിതപിച്ചു.

ഇരട്ടകളെക്കണ്ടതോടെ രണ്ടാളും ഓടിയെത്തി.

“സംഗതി കിട്ടിയോ?” ഉദ്വേഗത്തോടെ വട്ടോളി ചോദിച്ചു.

“കിട്ടി. പക്ഷേ ഒരെണ്ണം കൊണ്ടൊന്നും ഒരു എഫക്റ്റ് ഇല്ലഡേ....പ്രത്യേകിച്ചൊന്നും തോന്നുന്നില്ല....
ഒരു രണ്ടോ മൂന്നോ തട്ടിയാല്‍ ചിലപ്പോ അനങ്ങിയേക്കും....”

വൈദ്യശാല കണ്ടുപിടിച്ച് ശരിയായ മാര്‍ഗനിര്‍ദേശം നല്‍കിയ കിഷ് കുവിനും മക്കുവിനും നന്ദി പറഞ്ഞ് വട്ടോളിയും കുഞ്ഞുവും മുന്നോട്ടു നീങ്ങി.

വൈദ്യശാലയുടെ ലൊക്കേഷന്‍ ഇരട്ടകള്‍ കൃത്യമായി പറഞ്ഞുകൊടുത്തതു കൊണ്ട് അധികം ബുദ്ധിമുട്ടേണ്ടി വന്നില്ല. രണ്ടാളും മൂന്നെണ്ണം വീതം വാങ്ങി.

വണ്‍..... ടു.....ത്രീ...... ആറു മോദകം രണ്ടു തൊണ്ടകളിലൂടെ... ഗ്ലും!

സുസ്മേരവദനന്മാരായി അവര്‍ ആ ക്ഷേത്രവീഥിയിലൂടെ സാമോദം നടന്നു നീങ്ങി. പ്രത്യേകിച്ച് പ്രശ്നമൊന്നും തോന്നിയില്ല. പാഞ്ചജന്യം ലോഡ്ജിന്റെ മുന്നില്‍ വന്നപ്പോള്‍ രണ്ടു പരിചയക്കാര്‍....!

ഗെയ്റ്റിനിരു വശവും ഇരുന്ന് ട്രാഫിക് നിയന്ത്രിക്കുന്നു!!

ഇടത് വശത്ത് കിഷ് കു.... വലതു വശത്ത്....മക്കു!!!

“എന്റമ്മോ...!“ കുഞ്ഞു അലറി....

“എന്തു പറ്റിയണ്ണാ....” വട്ടോളി.

“എടാ..! ഒരെണ്ണമടിച്ചവന്മാരുടെ പിത്തലാട്ടം നീ കണ്ടില്ലേ മോനേ..! നമ്മള് മൂന്നെണ്ണം വീതവാ വിഴുങ്ങിയത്!!”

വട്ടോളിയുടെ കൈകാലുകള്‍ കുഴഞ്ഞു. അനിയന്‍ അവിടെ റോഡരികില്‍ത്തന്നെ ഇരുന്നു. അണ്ണനും കൂടെ ഇരുന്നു. കിഷ് കു - മക്കുമാര്‍ ട്രാഫിക് നിയന്ത്രിക്കുന്നതു കാണാന്‍ ആളുകൂടി.

“മോനേ വട്ടോളീ.... നമുക്ക് ആ ബസ്സിലെങ്ങാനും പോയിരിക്കാം...”കുഞ്ഞു പറഞ്ഞു. ബസ് കണ്ടു പിടിച്ച് രണ്ടാളും അതില്‍ കയറി ഇരിപ്പായി.

ഇതിനിടയില്‍ കല്യാണം കഴിഞ്ഞ് കുട്ടികള്‍ തിരിച്ചെത്തി. ബസ് പുറപ്പെട്ടു. വരന്റെ വീട്ടിലേക്കാണ് യാത്ര.


അപ്പോള്‍ കാണാം കുഞ്ഞു ഇരുന്നു ചിരിക്കുന്നു. ആദ്യം കണ്ടവര്‍ തിരിച്ചു ചിരിച്ചു. പക്ഷേ അതിയാന്‍ ചിരി നിര്‍ത്തുന്നില്ല! ചിരിയോ ചിരി.....

വട്ടോളിയാകട്ടെ ഒന്നും മിണ്ടുന്നില്ല! സാധാരണ വായടപ്പിക്കാനാ പാട് ! ഇന്ന്‍ വായ് തുറക്കുന്നേയില്ല. വളരെ കഷ്ടപ്പെട്ട് തന്റെ രണ്ടു കൈകളും ശരീരത്തോട് ഇറുക്കി ചേര്‍ത്തു പിടിച്ച് നേരെ നോക്കിയിരിക്കുന്നു.

ചിരിക്കാരന്‍ ചിരിച്ചുകൊണ്ടുതന്നെ സെന്റി അടിക്കാന്‍ തുടങ്ങി. കണ്ണുനീര്‍ ധാരധാരയായി പ്രവഹിക്കുന്നു. കോളേജ് യൂണിയന്‍ സെക്രട്ടറിയെ കണ്ടയുടനെ തോളിലേക്കു ചാഞ്ഞ് “ അളിയാ....!” എന്നൊരു വിളി...... പിന്നെ കുറേ നിമിഷങ്ങള്‍ ഗദ്ഗദം മാത്രം! ആള്‍ സീറ്റില്‍ ചാഞ്ഞു കിടന്നു.

സംഗതി വശപ്പിശകാണെന്ന് എല്ലാര്‍ക്കും മനസ്സിലായി. മണത്തു നോക്കി. കള്ളിന്റെയോ കഞ്ചാവു വലിച്ചതിന്റെയോ മണം വല്ലതുമുണ്ടോ...?

നോ സ്മെല്‍.......

പിന്നെന്തു പറ്റി...? ആര്‍ക്കും പിടിയില്ല.

വരന്റെ വീടെത്തി. ചിരിയും കരച്ചിലും മിക്സ് ചെയ്യുന്ന കലാകാരനെ വണ്ടിയില്‍ തന്നെ ഇരുത്താന്‍ തീരുമാനിച്ചു. വട്ടോളിയോട് വണ്ടിയില്‍ നിന്നിറങ്ങാന്‍ പറഞ്ഞിട്ടും ഇറങ്ങുന്നില്ല. കൈകള്‍ അടുപ്പിച്ചു പിടിച്ച് നേരേ നോക്കി ഒറ്റ ഇരിപ്പു തന്നെ!

ഒടുവില്‍ എല്ലാരുടെയും നിര്‍ബന്ധത്തിനു വഴങ്ങി അദ്ദേഹം ഇറങ്ങാന്‍ തയ്യാറായി. പക്ഷേ സീറ്റില്‍ നിന്നിറങ്ങി വാതില്‍ക്കലെത്തി. അവിടെ നിന്നു തിരിഞ്ഞു. ഇറങ്ങാന്‍ ശ്രമിച്ചു. വീണ്ടും കൈകള്‍ ചേര്‍ത്തു പിടിച്ച് സീറ്റില്‍ വന്നിരുന്നു.

ക്ഷമയുടെ നെല്ലിപ്പലകയിലാണെങ്കിലും കൂട്ടുകാര്‍ വട്ടോളിയെ വീണ്ടും നിര്‍ബന്ധിച്ചു. വരന്റെ വീട്ടില്‍ തമാശയുടെ പൂത്തിരി കത്തിക്കേണ്ടവനാണ്. ഇവനെന്തു പറ്റി!!?

വട്ടോളി ഒന്നു കൂടി ശ്രമിച്ചു. വാതിലക്കലെത്തി. അവിടെ നിന്നു തിരിഞ്ഞു. കൈകള്‍ ശരീരത്തു ചേര്‍ത്തു പിടിച്ചു.

സെക്രട്ടറിയുടെ ക്ഷമ നശിച്ചു “ എന്താടാ കോപ്പേ, നിന്നു വട്ടം കറങ്ങുന്നത്?”

വട്ടോളിയുടേയും ക്ഷമ നശിച്ചു. അവന്‍ തിരിച്ചടിച്ചു.

“എറങ്ങാന്‍ നോക്കുമ്പം സൈഡില്‍ എന്റെ ചിറകു തട്ടുന്നതു നിനക്കു കണ്ടുകൂടേടാ ഡാഷ് മോനേ!!”


ഗുരുവായൂരില്‍ വന്ന വഴിയ്ക്ക് മഞ്ജുളാലിന്‍ മുന്നില്‍ ചിറകു വിരിച്ചു നില്‍ക്കുന്ന ഗരുഡനെ കണ്ട കാര്യം എല്ലാരും ഓര്‍ത്തു. അവിടെ നിന്ന് ഫോട്ടോ എടുക്കുകയും ചെയ്തിരുന്നു വട്ടോളിയും കൂട്ടുകാരും!

വട്ടോളി ഗരുഡ ഭഗവാന്റെ അവതാരമായ കാര്യം അപ്പോള്‍ മാത്രമാണ് കൂട്ടുകാര്‍ക്കു മനസ്സിലായത്!!!

വാല്‍മൊഴി: ഇനി സദുദ്ദേശത്തോടെ മദനകാമേശ്വര രസം തേടി ആരും പോകേണ്ടതില്ല. സംഗതി പ്രൊഡക്ഷന്‍ നിര്‍ത്തി!!


വട്ടോളിയെ അറിയാത്തവര്‍ താഴത്തെ ബ്ലോഗ്ഗ് ഒന്നു വായിക്കൂ....!

57 comments:

jayanEvoor said...

വട്ടോളി, കിഷ്കു, മക്കു,കുഞ്ഞു.... നിങ്ങളെ കാത്തിരിക്കുന്നു!

Rani Ajay said...

adipoli.... oru comedy filim kanda pretheethi...

സൂത്രന്‍..!! said...

anna super

jayanEvoor said...

നന്ദി റാണി, സൂത്രന്‍!

Jaffer Ali said...

good

തോമ്മ said...

ശരിക്കും ആ മോദകം അവിടെ ഇപ്പഴും കിട്ടുമോ ?....

മാണിക്യം said...

വൈദ്യരേ
സംഗതി കലര്‍പ്പില്ലാത്ത നര്‍മ്മം.
ക്ഷ ബോധിച്ചൂ ട്ടോ :)

മോദകചിറകിലേന്തി
പറന്നു നടക്കാനോരു മോഹം
സ്മെല്ലില്ലാത്ത കൊണ്ട് പരീക്ഷിക്കാമാരുന്നു
പ്രോഡക്ഷന്‍ നിര്‍ത്തിയത് മാനവരാശിക്ക്
ഏറ്റ ഏറ്റവും വലിയ നഷ്ടം.:(

ദീപക് രാജ്|Deepak Raj said...

സുന്ദരന്‍ സുമുഖന്‍ ദുശീലന്‍ അല്ലെ ... കൊള്ളാമല്ലോ.
ആട്ടെ ഈ രസം എന്തെ നിര്‍ത്തിച്ചത്. അതോ സ്വയം നിര്‍ത്തിയതാണോ?
സംഗതി വായിച്ചു ചിരി നിര്‍ത്താന്‍ പ്രയാസപ്പെട്ടു കേട്ടോ. കിടിലന്‍. അമ്പലത്തില്‍ പോകുമ്പോഴും അല്പം വീശാന്‍ താല്പര്യം ഉള്ളവര്‍ കൂട്ടുകാര്‍ ആണല്ലേ.

ramaniga said...

kalakki!

jayanEvoor said...

ജാഫര്‍ അലി... നന്ദി

തോമ്മ..... ഇനി കിട്ടില്ല! ആ വൈദ്യരെ രഹസ്യമായി ഒന്നു പൊക്കി നോക്കൂ!

മാണിക്യം ച്യാച്ചീ.... ഉള്ളിലിരുപ്പു കോള്ളാമല്ലോ! അവസാനം ചിറകില്‍ ഏറോപ്ലെയിന്‍ തട്ടി പ്രവാസിമലയാളി യുവതി മരിച്ചു എന്ന് ഞങ്ങള്‍ വായിക്കേണ്ടി വരില്ലേ!?

ദീപക് രാജ്... അല്പം വീശിപ്പോകും എന്നത് ഒരു തെറ്റാണോ!? അതൊരു “വീക്കെന്‍സ്” അല്ലേ!?

രമണിഗ.... നന്ദി സുഹൃത്തേ!

കുഞ്ഞന്‍ said...

ജയന്‍ മാഷെ..

ബ്ലോഗ് ഹാസ്യത്തിന് തീര്‍ച്ചായായും ഒരു ഭാവം പകരും ഈ പോസ്റ്റ്. അങ്ങിനെ വട്ടോളി വെട്ടിലായി. എല്ലാ ഇരട്ടപ്പേരും രസകരം. ആ അവസാന്‍ പ്രഖ്യാപനം വേണ്ടായിരുന്നു, നിശ്ചയിച്ചതാ ഇനി എപ്പോഴെങ്കിലും ഗുരുവായൂരമ്പലത്തില്‍ പോകുമ്പോള്‍ എം കെ യൊന്നു പരീക്ഷിക്കണമെന്ന്.....

അനില്‍@ബ്ലോഗ് said...

കൊള്ളാം.
പട്ടേം മുട്ടേം, നല്ല കോമ്പിനേഷനാ.
പിന്നെ കോളേജ് ബസും കല്യാണയാത്രയും നിങ്ങക്കു മാത്രമല്ല കേട്ടൊ.
:)

jayanEvoor said...

കുഞ്ഞന്‍....

എം.കെ. കിട്ടില്ല എന്നുള്ളതു കൊണ്ട് ഗുരുവായൂ‍ര്‍ പോക്കു മുടക്കണ്ട!!

അനില്‍....

പട്ടേം മുട്ടേം കോളേജ് ബസ്സും ഒക്കെ ഓര്‍ക്കാന്‍ ഒരു സുഖമല്ലേ! ഒന്നോര്‍ത്തു എന്നേയുള്ളൂ!

പെണ്‍കൊടി said...

സുന്ദരന്‍ സുമുഖന്‍ ദു:ശീലന്‍ ...
അതെനിക്ക് 'ക്ഷ' പിടിച്ചുട്ടോ...

പാവപ്പെട്ടവന്‍ said...

അണ്ണാ ഇതങ്ങു കലക്കി ഒരു മുട്ടയും ചെറു പട്ടയും അടിച്ചപ്പോലെ

ഷാരോണ്‍ said...

മാരകം...എല്ലാ കോളേജും ഒരു പോലാ അല്ലെ??
ഒരു മാസം മുന്‍പ്‌ കോളേജ് ജീവിതം കഴിഞ്ഞതില്‍ ദെസ്പ്‌ അടിച്ചിരിക്കുന്ന എന്നെ വീണ്ടും ഇമ്മാതിരി സാധനങ്ങള്‍ ഇറക്കി വിഷമിപ്പിക്കല്ലേ പൊന്നു ഡോക്ടറെ....

jayanEvoor said...

പെണ്‍കൊടീ...

ദു:ശീലനെ ‘ക്ഷ’ പിടിച്ചൂ ലേ?
(ദുശീലന്‍ എന്ന് ബ്ലോഗില്‍ എഴുതിയത് ദു:ശീലന്‍ എന്നു ശരിയായി എഴുതിയ പെണ്‍കൊടി മിടുക്കി തന്നെ.)

പാവപ്പെട്ടവന്‍....

അല്ലേലും നുമ്മ പാവപ്പെട്ടോര്‍ക്ക് പട്ടേം മൊട്ടേം തന്നെ ശരണം!

ഷാരോണ്‍...

ദു:ഖം ദു:ഖേന ശാന്തി എന്നോ മറ്റോ പണ്ടാരോ പറഞ്ഞിട്ടില്ലേ!? എല്ലാം ശരിയാവും, ട്ടൊ!

കൊട്ടോട്ടിക്കാരന്‍... said...

കൊല്ലത്തേയ്ക്കും സൂപ്പര്‍ഫാസ്റ്റ് ഓടിക്കാമല്ലോ ഡോക്ട്രേ... അല്ലേല്‍ പാരപ്പണി വേണ്ട. കഥ നന്നായി ആസ്വദിച്ചു മാഷേ...

മുഹമ്മദ്കുട്ടി said...
This comment has been removed by the author.
മുഹമ്മദ്കുട്ടി said...

കഥയിലും അല്പം ആയുര്‍വേദം കലക്കിയല്ലെ?അതു പിന്നെ അറിയാതെ വന്നു പോകും.ഏതായാലും സംഗതി സൂപ്പര്‍.പിന്നെ ഡോക്ടര്‍ക്കു ഇതിന്റെ ഫോര്‍മുല അറിയാമല്ലോ?അപ്പോള്‍ സംഗതി കുശാല്‍!

കുറുപ്പിന്‍റെ കണക്കു പുസ്തകം said...

സംഗതി കലക്കി ജയേട്ടാ..
മദനകാമേശ്വര രസം = വിപ്ലവാരിഷ്ടം അടിച്ചത് ഓര്‍മയില്‍ വന്നു

Sukanya said...

ഡോക്ടര്‍, നല്ല വിവരണം. നര്‍മം അസ്സലായി.

jayanEvoor said...

കൊട്ടോട്ടിക്കാരന്‍...

സൂപ്പര്‍ ഫാസ്റ്റോ? കായംകുളത്തേക്കൊരെണ്ണമുണ്ട്. എന്റെ നാട് അതു തന്നെ. അതുകൊണ്ട് ഒരു ഫാസ്റ്റ് മതി!

മുഹമ്മദ് കുട്ടിക്ക....
ഫോര്‍മുലയൂകെ രഹസ്യമാ!! പ്രസ്യപ്പെടുത്തിക്കൂടാ...!

കുറുപ്പ്......

ഇപ്പോഴും വിപ്ലവം ഉള്ളില്‍ സൂക്ഷിക്കുന്നുവോ!

സുകന്യേച്ചി...
നിറയെ നന്ദി!

സജി കറ്റുവട്ടിപ്പണ said...

കഥ നന്നായിട്ടുണ്ട്.എന്റെ പോസ്റ്റില്‍ ഇട്ട കമന്റ് കണ്ടു. കൂട്ടത്തില്‍ ഇടയ്ക്കു വന്നുപോകാറുണ്ട്.വിശദമായ കമന്റുമായി പിന്നീടു വരാം

ബഷീര്‍ വെള്ളറക്കാട്‌ / pb said...

.. സുന്ദരൻ.സുമുഖൻ..ദുശിലൻ -പ്രയോഗം മുതൽ ചിരിച്ച് കൊണ്ടേ വായിച്ചു. :)

ട്രാഫിക് നിയന്ത്രണം കലക്കി..
പാവം ..ആ ഗരുഡന്റെ ചിറകും പേറി എത്രനേരം ഇരുന്നു :)

ബഷീര്‍ വെള്ളറക്കാട്‌ / pb said...

നന്നായി എഴുതിയിരിക്കുന്നു. അഭിനന്ദനങ്ങൾ

വശംവദൻ said...

ആ മോദകം കിട്ടിയിരുന്നെങ്കിൽ ചായയ്ക്ക്‌ ഒരു കടി ആയേനെ. പ്രൊഡക്ഷൻ നിറുത്തിയ സ്ഥിതിക്ക്‌ ഇനിയിപ്പോ വല്ല നിവൃത്തിയുമുണ്ടോ?

jayanEvoor said...

സജി....

വീണ്ടും കണ്ടുമുട്ടിയതിലും കഥ വായിച്ചതിലും വളരെ സന്തോഷം!

ഇനിയും ഈ വഴി വരണേ!

ബഷീര്‍....

സുന്ദരൻ.സുമുഖൻ..ദുശീലൻ... എന്നത് വെറും സത്യം മാത്രം!

വശംവദന്‍....

ഇനി കിട്ടാന്‍ ഒരു വഴിയുമില്ല! കടി വേറെ സംഘടിപ്പിക്കാം!

VEERU said...

nannaayittundu katha ishtappettu ..mashe iniyum ezhuthuka..vaayikkan nalla rasam,,

അരുണ്‍ കായംകുളം said...

ജയാ,
ആസ്വദിച്ചു, എന്ന് മാത്രമല്ല അര്‍മ്മാദിച്ചു.
ഹി..ഹി..ഹി
ഇത് നമ്മള്‍ കായംകുളത്തുകാര്‍ക്ക് എല്ലാമുള്ള പ്രശ്നമാണോ?
എന്തിനും ഏതിനും വെള്ളം
അല്ല വട്ടോളി കായംകുളംകാരനാണോ?

jayanEvoor said...

വീരു....

നന്ദി സുഹൃത്തേ !

അരുണ്‍...

വട്ടോളി കായംകുളംകാരനല്ല. ആലപ്പുഴ ജില്ലക്കാരനാണു താനും!
കമന്റുനു നന്ദി!

ㄅυмα | സുമ said...

:D :D :D
കലക്കന്‍ പോസ്റ്റ്‌...
അടുത്തത്‌ എന്നാ??

bilatthipattanam said...

ആ ആനമയക്കി ആസവം കിട്ടിയിരുന്നെങ്കിൽ..
ഈ സായിപ്പുമാർക്ക് കൊടുക്കാമായിരുന്നൂ..
(നമ്മുടെ നാടൻസ്കോച്ചിന്റെ മഹിമ കാണിച്ചുകൊടുക്കാൻ..)

വരവൂരാൻ said...

ഇങ്ങനൊരു രസായനം ഞാനും കുടിച്ചിട്ടുണ്ട്‌.... നല്ല നർമ്മം ആശംസകൾ

ഇന്‍ഡ്യാഹെറിറ്റേജ്‌:Indiaheritage said...

ഹോളിയ്ക്ക്‌ ഭാംഗ്‌ കലക്കിയ പാലും, പക്കവടയും ഒക്കെ ഇവിടങ്ങളില്‍ സുലഭമാണ്‌ പക്ഷെ പരീക്ഷിച്ചു നോക്കാന്‍ ഇതു വരെ ധൈര്യം കിട്ടിയിട്ടില്ല. അതടിച്ച ഒരു സുഹൃത്ത്‌ മൂത്രമൊഴിക്കുവാന്‍ നിന്നിട്ട്‌ ക്ലോസെറ്റ്‌ ചരിഞ്ഞു പോകുന്നെന്നു പറഞ്ഞ്‌ 45 ഡിഗ്രിയില്‍ ചരിഞ്ഞു നിന്നു സാധിക്കുന്നതു ഒരിക്കല്‍ കണ്ടു പോയി

jayanEvoor said...

സുമ

ബിലാത്തിപ്പട്ടണം

വരവൂരാന്‍

ഇന്‍ഡ്യാഹെറിറ്റേജ്....

എല്ലാവര്‍ക്കും നന്ദി!

Typist | എഴുത്തുകാരി said...

ഇപ്പഴാ കണ്ടതു്. ശരിക്കും ചിരിച്ചുപോയി.

കുമാരന്‍ | kumaran said...

ചിരിച്ചു ഒരു വിധമായിപ്പോയി.. അസാധ്യ കോമഡി.. ഞാനിവിടെ വരാൻ കുറേ വൈകിയല്ലോ..

NRP said...

ഗുരുവയൂരേ കഥ കേട്ടപ്പോല്‍ ഞങ്ങടെ കുഞ്ഞുരാമന്‍ എലെക്ട്രിക് പോസ്റ്റില്‍ കെട്ടിപ്പിടിച്ച് പോസ്റ്റിനോട് വിടാന്‍ ദയനീയമായി അപേക്ഷിക്കുന്ന ചിത്രം മനസ്സില്‍ കണ്ടു. നന്നായിരുന്നു കേട്ടോ.

jayanEvoor said...

നന്ദി എഴുത്തുകാരിച്ചേച്ചീ, കുമാരരേട്ടന്‍, എന്‍.ആര്‍.പി......

ഇനി ഈ വഴി സ്ഥിരം പോരൂ...!

ശ്രീ said...

കലക്കീട്ടോ
:)

Faizal Kondotty said...

:):)

കണ്ണനുണ്ണി said...

ജയന്‍ മാഷെ...ഒന്നൊന്നര കോമഡി തന്നെ ട്ടോ.. ചിരിച്ചു മരിച്ചു.. ഇത് പോലെ എത്രയോ സന്ദര്‍ഭങ്ങള്‍ കോളേജ് ജീവിതത്തില്‍..ഒക്കെ ഓര്മ വരുന്നു..
ഞാന്‍ എവിടെ എത്താന്‍ ഇത്തിരി ലേറ്റ് ആയിപോയി...അടുത്തത് പോരട്ടെ...ലേറ്റ് ആവാതെ നോക്കാം ..

Faizal Kondotty said...

:)

jayanEvoor said...

ശ്രീ,ഫൈസല്‍, കണ്ണനുണ്ണി......

നിങ്ങള്‍ ചിരിച്ചല്ലോ.... സന്തോഷം!
ആരോഗ്യശ്രീമാന്മാരായിരിക്കട്ടേ!

keralafarmer said...

ചുരുക്കിപ്പറഞ്ഞാല്‍ മദ്യനിരോധനം വന്നാലും മദ്യപന്മാര്‍ ഭയപ്പെടേണ്ട ആയുര്‍\വ്വേദം ഉള്ളിടത്തോളം കാലം. കൊള്ളാം കഥ കലക്കി.

smitha adharsh said...

ചിരിച്ചു മനുഷ്യന്‍ ഒരു വഴിക്കായി...
അപ്പൊ,ഡോക്ടര്‍മാര് ട്രാഫിക് പോലീസും ആകും.ല്ലേ?

പാവത്താൻ said...

പണ്ടൊരു സുഹൃത്തിനെ അല്‍പ്പം നീലച്ചടയന്‍ പിടിച്ചു കിടന്നപ്പോള്‍ ഉറുമ്പുകള്‍ എടുത്തു മുറിയുടെ ഭിത്തിയിലൂടെ,മുകള്‍ത്തട്ടിലൂടെ കൊണ്ടു പോയി . അനങ്ങിയാല്‍ ഉറുമ്പുകള്‍ പേടിച്ച് പിടി വിട്ട് താഴെ വീഴുമെന്നു ഭയന്ന്. അയാള്‍ അനങ്ങാതെ,ശ്വാസം വിടാതെ കിടന്നതോര്‍ക്കുന്നു.
സംഗതി കൊള്ളാം ഡോക്ടര്‍...

രജനീഗന്ധി said...

കഥകള്‍ വായിക്കാനെത്താന്‍
ഒരുപാട്‌ താമസിച്ചുപോയി..
എത്തിയപ്പോഴോ ചിരിച്ചുചിരിച്ച്‌ ഒരുവശായി...
വട്ടോളിയെ പരിചയപ്പെടാന്‍
ആദ്യത്തെ കഥ വായിച്ചപ്പോ
എന്റമ്മോ...
ഒറ്റക്കിരുന്ന്‌ ചിരിക്കുന്ന എന്നെക്കണ്ട്‌
മറ്റുള്ളവര്‍ എന്തുകരുതുന്നോ എന്തോ???

കലക്കി..സൂപ്പര്‍ അവതരണം.

jayanEvoor said...

കേരള ഫാര്‍മര്‍

മാഷേ! മദ്യപന്മാര്‍ക്കുള്ള പ്രോല്‍സാഹനമല്ല ഇത്, കേട്ടോ!
ഇതിലെ നര്‍മ്മം മാത്രം ആസ്വദിച്ചാല്‍ ഞാന്‍ ഹാപ്പി!

സ്മിത ആദര്‍ശ്

സന്തോഷം!
ഡോക്ടര്‍മാര്‍ ട്രാഫിക് പോലീസ് മാത്രമല്ല ഗന്ധര്‍വഗായകരും, സ്പ്രിന്റര്‍മാരും, മസില്‍മാന്മാരും ഒക്കെയായ കഥകളും ഉണ്ട്!

പാവത്താന്‍

ഞാനും ഒരു പാവത്താനാണു പാവത്താനേ! ഈ കഥകള്‍ ഒക്കെ നിങ്ങളെ ചിരിപ്പിക്കാന്‍ മാത്രം! അതു സാധിച്ചാല്‍ ചികില്‍സ ഫലിച്ചു!

രജനീഗന്ധി

ഇവിടം വരെ വരാനും ഇതു വായിച്ചുരസിക്കാനും തോന്നിയതിന്‌ നൂറു നന്ദി! ഇനിയും ഈ വഴി വരണേ!

keralafarmer said...

:)

OAB said...

മദനകാമേശ്വരിയുടെ ഫോർമുല അറിയാമൊ ഡോക്ടറേ..

ചാണക്യന്‍ said...

രസിച്ചു..രസിപ്പിച്ചു....മാഷെ ഒന്നാം തരം എഴുത്ത്....അഭിനന്ദനങ്ങൾ....

Captain Haddock said...

സുന്ദരന്‍ സുമുഖന്‍ ദുശീലന്‍ !!!!

Wonderful post !!

jayanEvoor said...

കേരള ഫാര്‍മര്‍

ഓ.ഏ.ബി.

ചാണക്യന്‍

ക്യാപ്റ്റന്‍ ഹാഡൊക്ക്.....

വട്ടോളിക്കഥകള്‍ ഇഷ്ടപ്പെട്ടു എന്നറിയിച്ചതില്‍ പെരുത്തു സന്തോഷം!

മിഴിനീര്‍ത്തുള്ളി said...

സുസ്മേരവദനന്മാരായി അവര്‍ ആ ക്ഷേത്രവീഥിയിലൂടെ സാമോദം നടന്നു നീങ്ങി. പ്രത്യേകിച്ച് പ്രശ്നമൊന്നും തോന്നിയില്ല. പാഞ്ചജന്യം ലോഡ്ജിന്റെ മുന്നില്‍ വന്നപ്പോള്‍ രണ്ടു പരിചയക്കാര്‍....!

ഗെയ്റ്റിനിരു വശവും ഇരുന്ന് ട്രാഫിക് നിയന്ത്രിക്കുന്നു!!

ഇടത് വശത്ത് കിഷ് കു.... വലതു വശത്ത്....മക്കു!!!

“എന്റമ്മോ...!“ കുഞ്ഞു അലറി....

“എന്തു പറ്റിയണ്ണാ....” വട്ടോളി.

“എടാ..! ഒരെണ്ണമടിച്ചവന്മാരുടെ പിത്തലാട്ടം നീ കണ്ടില്ലേ മോനേ..! നമ്മള് മൂന്നെണ്ണം വീതവാ വിഴുങ്ങിയത്!!”

ശൊഹ്...ഇവിടം മുതല്‍ ചിരിയുടെ വെടിക്കെട്ടായിരുന്നു ട്ടോ..

Celeste said...

The UltraFire Protected 18650 Lithium Battery 3000mAh 3.7V Update your electoral role. Be prepared with this shaver when you have emergency shaving situation. Check particularly at the ends by simply carefully bending the cable and making sure that the insulating material hasn't started to come away in the power cord. Furniture Removals And Interstate Furniture Removals For Easy Relocation Process